Якія праблемы прывялі хойнічан на прыём да старшыні райвыканкама?

Сёння на асабісты прыём да старшыні райвыканкама Дзмітрыя Шпігановіча звярнуліся з хвалюючымі пытаннямі двое хойнічан.

Кіраўнік раёна ўважліва выслухаў кожнага і ў канкрэтных сітуацыях разбіраўся з удзелам спецыялістаў структурных падраздзяленняў і арганізацый.

Першы заяўнік падняў пытанне аб транзіце грузавога транспарту па вул. чыгуначнай райцэнтра, а таксама паляпшэнні стану дарожнага пакрыцця. Дзмітрый Мікалаевіч будзе на месцы разбірацца ў прычынах і следствах пазначаных праблемных момантаў, пасля чаго будуць прыняты рашэнні.

Наступны мужчына прыйшоў на прыём па вырашэнне жыллёвага пытання, паколькі яго дом згарэў у выніку ўдару стыхіі. Варыянт прадастаўленага жылля не задавальняе. Таму, хто звярнуўся, будуць прапанаваныя вакансіі. І пры ўмове працаўладкавання разгледзяць магчымасць выдзялення арэнднага жылля.