Маладзёжная палітыка

Прыярытэтнымі напрамкамі работы з моладдзю ў Хойніцкім раёне з'яўляюцца:

• Усебаковае выхаванне моладзі, садзейнічанне яе грамадзянскаму, духоўнаму і маральнаму развіццю;
• уцягванне моладзі ў палітычнае, сацыяльнае, эканамічнае і культурнае развіццё грамадства;
• садзейнічанне ў прафесійнай арыентацыі і працаўладкаванні маладых грамадзян;
• арганізацыя другаснай занятасці для падлеткаў і моладзі ў вольны ад вучобы час;
• падтрымка таленавітай і адоранай моладзі;
• фарміраванне здаровага ладу жыцця моладзі, развіццё масавага дзіцячага і маладзёжнага спорту і турызму;
• работа па замацаванні маладых спецыялістаў, аказанне садзейнічання ў вырашэнні жыллёвых і бытавых праблем;
• забеспячэнне сацыяльнай падтрымкі маладых сем'яў;
• падтрымка працоўнай і сельскай моладзі, стварэнне ўмоў для больш актыўнага і эфектыўнага яе ўключэння ў сацыяльна-эканамічнае жыццё грамадства, павышэнне прафесійнага майстэрства;
• развіццё грамадска значных маладзёжных ініцыятыў, маладзёжных і дзіцячых грамадскіх аб'яднанняў, актыўнае ўцягванне ў распрацоўку і рэалізацыю дзяржаўнай маладзёжнай палітыкі;
• развіццё міжнароднага маладзёжнага супрацоўніцтва.

У цэнтры ўвагі органаў улады раёна знаходзіцца дзейнасць грамадскага аб'яднання «Беларускі рэспубліканскі саюз моладзі». На рахунку раённай арганізацыі БРСМ шмат цікавых, патрэбных і важных мерапрыемствах, акцый.

Члены «БРСМ» актыўна прымаюць удзел у рэспубліканскіх акцыях: «За Беларусь!», «Разам за моцную і квітнеючую Беларусь!», «Квітней, Беларусь!», «Мы-грамадзяне Рэспублікі Беларусь!» і інш.

Сярод іншых масавых мерапрыемстваў-раённыя спаборніцтвы сярод маладзёжных уборачных экіпажаў, спаборніцтвы ў прафесійным майстэрстве сярод маладых механізатараў, маладых жывёлаводаў.

Традыцыйным стала правядзенне раённага этапу сельскагаспадарчага праекта «Уладар сяла».

Штогод праходзяць сумесныя акцыі аддзела ідэалагічнай работы, культуры і па справах моладзі райвыканкама з РК ГА «БРСМ»:

• «Хай вам служыцца лёгка!», у рамках якой рассылаюцца сумесна распрацаваныя віншавальныя паштоўкі з календарамі для нашых хлопцаў, якія выконваюць свой абавязак у шэрагах арміі Рэспублікі Беларусь;
• патрыятычная акцыя «Маладзёжны міг. Запалім агонь у гонар перамогі!»

Напярэдадні журботнай даты аварыі на Чарнобыльскай АЭС ля помніка смутку праходзіць раённая акцыя «Памяць», ініцыяваная моладдзю раёна. Акцыя ўключае ў сябе шэсце моладзі са свечкамі і мітынг.

Вялікая ўвага надаецца рабоце з ветэранамі. На базе ўстаноў адукацыі функцыянуе 13 валанцёрскіх атрадаў, у склад якіх уваходзяць 180 навучэнцаў. Дзеці аказваюць неабходную дапамогу ветэранам вайны і працы, адзінокім грамадзянам пажылога ўзросту, інвалідам; вырабляюць уборку месцаў воінскіх пахаванняў і помнікаў.

З мэтай фарміравання здаровага ладу жыцця ўсімі зацікаўленымі службамі раёна праводзіцца шэраг мерапрыемстваў:

• тэматычныя культурна-масавыя мерапрыемствы і акцыі пад дэвізам «Моладзь за здаровы лад жыцця»;
• дні здароўя;
• лёгкаатлетычныя кросы;
• першынства раёна па футболе;
• велапрабег;
• лыжныя спаборніцтвы «Хойніцкая лыжня»;
• турніры па шахматах, шашках, настольным тэнісе, цяжкай атлетыцы.

Пры ўстанове «Хойніцкая цэнтральная раённая бальніца» працуе «Школа здароўя», работнікамі якой праводзяцца радыё і кінавідэалекторыі, лекцыі ва ўстановах і арганізацыях раёна.

Традыцыйна на тэрыторыі раёна праходзяць абласныя спаборніцтвы па дзюдо на прызы Сяргея Кухарэнкі.

З мэтай эстэтычнага навучання і выхавання дзяцей і моладзі ў раёне функцыянуе Дзіцячая школа мастацтваў, у якой атрымліваюць адукацыю па 5 напрамках: мастацкае, харэаграфічнае, харавое, эстраднае спевы і інструментальнае.

Мясцовымі органамі ўлады, грамадскімі аб'яднаннямі і іншымі зацікаўленымі службамі арганізавана кансультаванне маладых сем'яў, аказваецца матэрыяльная падтрымка малазабяспечаным і шматдзетным сем'ям.

Штогод праводзіцца раённы этап конкурсу «Лепшая маладая сям'я Хойнікшчыны».

Склалася таксама пэўная сістэма работы з маладымі спецыялістамі, накіраваная на стварэнне сацыяльна-эканамічных і арганізацыйных умоў для самарэалізацыі, больш хуткай адаптацыі, прыстасаванне да новых умоў жыццядзейнасці.

Традыцыйным з'яўляецца правядзенне штогадовых сустрэч маладых спецыялістаў з кіраўніцтвам раённага выканаўчага камітэта, спецыялістамі розных службаў.

З мэтай развіцця і падтрымкі моладзевых ініцыятыў рэгулярна праводзіцца апытанне маладых людзей у сацсетках, па выніках якога плануюцца культурна-забаўляльныя мерапрыемствы.

Складзены банк даных аб здольных і адораных школьніках. Навучэнцы раёна штогод прымаюць удзел у рознага роду інтэлектуальных і творчых конкурсах, алімпіядах, канферэнцыях, навукова-даследчых работах, выставах. Павялічылася колькасць факультатыўных заняткаў па вывучэнні асобных прадметаў на павышаным узроўні. Умацоўваецца матэрыяльна-тэхнічная база ўстаноў адукацыі.

Суб'ектамі маладзёжнай палітыкі робіцца ўпор на інфармацыйна – адукацыйныя мерапрыемствы-гэта шырокае асвятленне ў СМІ, «гарачыя» тэлефонныя лініі, «тэлефоны даверу», выданне і распаўсюджванне інфармацыйных матэрыялаў, сацыяльная рэклама. На сайце Хойніцкага райвыканкама і на старонках раённай газеты ўведзены тэматычныя рубрыкі.