Інфармацыя для грамадзян якія прадстаўляюць жыллё замежнікам

Група па грамадзянстве і міграцыі аддзела ўнутраных спраў Хойніцкага райвыканкама інфармуе, што з 7 ліпеня 2024 г. уступілі ў сілу змены ў артыкул 43-1 Закона Рэспублікі Беларусь ад 4 студзеня 2010 г. №105-З «Аб прававым становішчы замежных грамадзян і асоб без грамадзянства ў Рэспубліцы Беларусь» (далей – Закон).

У мэтах прафілактыкі здзяйснення правапарушэнняў паведамляем, што ў адпаведнасці з часткай 1 артыкула 43-1 Закона юрыдычныя і фізічныя асобы, у тым ліку індывідуальныя прадпрымальнікі не пазней за тры гадзіны пасля фактычнага прадастаўлення для пражывання жылых памяшканняў на падставе дагавораў найму жылога памяшкання, жылых пакояў у аграэкасядзібах на падставе дагавораў на аказанне паслуг у сферы аграэкатурызму, садовых домікаў і дач на падставе дагавораў арэнды, шматфункцыянальных памяшканняў, сродкаў размяшчэння на падставе дагавораў платнага аказання паслуг замежнікам, якія часова знаходзяцца ў Рэспубліцы Беларусь, на тэрмін адны суткі і больш прадстаўляюць у орган унутраных спраў па месцы знаходжання названых жылых і іншых памяшканняў інфармацыю аб такіх іншаземцах.

Указаная інфармацыя прадстаўляецца бязвыплатна з дапамогай інфармацыйных рэсурсаў (сістэм) Міністэрства ўнутраных спраў, адзінага партала электронных паслуг агульнадзяржаўнай аўтаматызаванай інфармацыйнай сістэмы (далей – ААІС) або шляхам дастаўкі нарачным. Парадак прадастаўлення інфармацыі і форма паведамлення вызначаны пастановай Міністэрства ўнутраных спраў Рэспублікі Беларусь ад 3 чэрвеня 2024 г. № 169 «Аб парадку інфармавання».

У адпаведнасці з абзацам 5 артыкула 1 Закона замежнікам, які часова знаходзіцца ў Рэспубліцы Беларусь, з'яўляецца асоба, якая прыбыла ў Рэспубліку Беларусь на тэрмін не больш за дзевяноста сутак у каляндарным годзе на падставе візы або ў парадку, які не патрабуе атрымання візы, і не мае дазволу на часовае або пастаяннае пражыванне ў Рэспубліцы Беларусь, калі іншае не вызначана гэтым Законам і міжнароднымі дамовамі Рэспублікі Беларусь.

Таксама да засялення ў жылое памяшканне і заключэння дагавора Рэкамендуем удакладняць прававы статус замежнікаў на тэрыторыі Рэспублікі Беларусь (часова знаходзяцца, часова або пастаянна пражываюць) з вывучэннем адпаведных дакументаў.

Дадаткова інфармуем, што формы дакументаў, якія вызначаюць прававы статус замежнікаў у Рэспубліцы Беларусь, а таксама звесткі аб заканадаўстве Рэспублікі Беларусь у галіне грамадзянства і міграцыі, іншую карысную інфармацыю можна знайсці на сайце Міністэрства ўнутраных спраў Рэспублікі Беларусь www.mvd.gov.by у раздзеле «грамадзянства і міграцыя», «нарматыўныя прававыя акты», а таксама ў раздзеле «прадастаўленне ў АУС інфармацыі пра замежнікаў».

Таксама тлумачым, што невыкананне вышэйзгаданых патрабаванняў у адпаведнасці з часткай 6 артыкула 24.35 Кодэкса Рэспублікі Беларусь аб адміністрацыйных правапарушэннях, цягне накладанне штрафу ў памеры да дваццаці базавых велічынь.

Па ўсіх пытаннях неабходна звяртацца па тэлефоне 8 (02346) 3-10-99.

Старшы інспектар групы па грамадзянстве і міграцыі                                                                                    Апанасюк Я.В.