510 гадоў гораду Хойнікі

Стартам святочных мерапрыемстваў да 510-годдзя Хойнік стала адкрыццё Алеі ганаровых грамадзян Хойніцкага раёна.

У іх лік увайшлі нашы землякі, якія сваімі дасягненнямі праславілі Хойнікшчыну:

• Аляксандр Фёдаравіч Медзеннікаў,
• Аганес Саламонавіч Саркісян,
• Іван Макаравіч Беразняцкі,
• Мітрафан Лук'янавіч Слабадзян,
• Аляксандр Максімавіч Зелянкоўскі,
• Еўдакія Андрэеўна Сядова,
• Васіль Афанасьевіч Равяка,
• Аляксандр Іванавіч Абухоў,
• Сяргей Пятровіч Кухарэнка,
• Вольга Сяргееўна Худзенка,
• Васіль Ягоравіч Смальцэр,
• Аляксандр Іванавіч Ціток,
• Маргарыта Рыгораўна Махнева

На малой радзіме ўвекавечылі імёны нашых таленавітых і годных сучаснікаў.

Урачысты канцэрт у гонар 510-годдзя Хойнік сабраў у зале Летняга амфітэатра шматлікіх гараджан, а таксама ганаровых гасцей.

Адкрылі свята гістарычныя персанажы-графская пара Празараў.

Гасцінна і крэатыўна віталі гасцей падворка і тэматычныя выставы. Тут і дэлікатэсы Палескія, і ўсмешкі шчырыя, і пажаданні гараджанам на памяць.

Старшыня абласнога Савета дэпутатаў Кацярына Зянкевіч перадала для жыхароў Хойніччыны сертыфікат аблвыканкама на атрыманне новай карэты хуткай дапамогі і школьнага аўтобуса.

Падарунак ад імя хойнічан падчас святочнага канцэрта прыняў старшыня райвыканкама Анатоль Бандарэнка.

Таксама сваімі талентамі ў Летнім амфітэатры бліскалі артысты ансамбля Гомельскай пагранічнай групы, салісты легендарнага Дзяржаўнага ансамбля «Песняры».