У Хойніках прайшло чарговае пасяджэнне раённага каардынацыйнага савета па рэалізацыі патрабаванняў дэкрэта прэзідэнта Рэспублікі Беларусь № 18

Правёў яго намеснік старшыні райвыканкама Сяргей Кушнер. Удзел у пасяджэнні прыняў пракурор раёна Андрэй Судом.

На пасяджэнні разгледжаны сітуацыі ў дзевяці сем'ях, дзе выхоўваюцца непаўналетнія дзеці.

Абмяркоўваліся прычыны прызнання дзяцей, якія знаходзяцца ў сацыяльна небяспечным становішчы, а таксама маюць патрэбу ў дзяржаўнай абароне - амаральны лад жыцця бацькоў, злоўжыванне спіртнымі напоямі, неналежнае выкананне абавязкаў па выхаванні і ўтрыманні дзяцей, поўная адсутнасць бацькоўскага аўтарытэту.