Дровы секлі, бульбу збіралі, блінамі і салам гасцей частавалі - як на Хойнікшчыне «Уладара сяла – 2025» выбіралі

Трымалі кулачкі за ўсіх!

Тры сям'і змагаліся за званне пераможцы! Муж і жонка Арсеній і Вольга Шпарун з Велеціна, Дзмітрый і Вольга Брухавецкія з Судкава, Кірыл і Таццяна Пляско з Барысаўшчыны. Вядома, без дзяцей выпрабаванні не праходзілі.

Стартаваў раённы этап сельскагаспадарчага конкурсу з візітных картак. Удзельнікі расказалі пра сябе, сямейныя традыцыі і захапленні. Падчас прэзентацыі гучалі песні, вершы.

Хапала на свяце не толькі відовішчаў, але і хлеба! На алеі сельскіх падворкаў сям'і расклалі абрусы-самабранкі, застаўленыя самымі рознымі смачнасцямі. Гледачы і члены журы пакаштавалі Хатняе сала, салёныя агурочкі, мачанку з блінамі, арэшкі са згушчонкай. Вынаходстваў вясковай кухні хапала! Адным словам, пальчыкі абліжаш!

Спявалі, патанцавалі, падсілкаваліся. Удзельнікі дэманстравалі, наколькі яны добрыя гаспадары. Мамы і таты спаборнічалі ў рубцы і складанні дроў. І ў спартыўнай эстафеце паказалі майстар-клас, дзеці таксама не падвялі!

Выпрабаванні з сельскім каларытам лепш за ўсіх прайшла сям'я Плеска з Барысаўшчыны. І яны заваявалі тытул «Уладар сяла – 2025». Прычым, ужо другі раз у раённым этапе.

Мама Таццяна цяпер знаходзіцца ў дэкрэтным адпачынку, тата Кірыл працуе кіроўцам у РАНС. Самаму маленькаму сыночку Багдану 2 гадкі. Падрастае яшчэ сын Глеб і дачка Валерыя.

Павіншавалі пераможцу і прызёраў старшыня раённага Савета дэпутатаў, лідар раённага аддзялення партыя «Белая Русь» Людміла Рудчанка, намеснік старшыні райвыканкама Сяргей Кушнер, начальнік аддзела ідэалагічнай работы і па справах моладзі райвыканкама Наталля Ешчанка, першы сакратар райкама БРСМ Наталля Іўлева, прафсаюзны лідар райкама прафсаюза АПК Святлана Марчанка.

Падарункі ўдзельнікі атрымалі ад усіх раённых арганізацый грамадскіх аб'яднанняў: «БРСМ», «Фонду міру», «Белай Русі».